پروگرام اور طریقہ کار

بکنگ "پہلے آئیے پہلے پائیے" کی بنیاد پر کی جا رہی ہے۔ سیریل نمبر بکنگ کے وقت ہی الاٹ کر دیا جاتا ہے جو کہ حتمی ہوتا ہے۔

اس سال فی حصہ اندازاً 35 ہزار روپے فکس کیا گیا ہے۔ یہ رقم بکنگ کی تصدیق کے لیے پیشگی جمع کروانا لازمی ہے۔

بیل کی اصل قیمت عید سے ایک دن پہلے بتائی جاتی ہے۔ عید والے دن اضافی رقم وصول یا فالتو رقم موقع پر واپس کر دی جاتی ہے۔

ہر بیل کے 7 حصے کیے جاتے ہیں۔ ہر حصہ دار کو دو علیحدہ ٹبوں میں بغیر ہڈی اور ہڈی والا گوشت برابر تقسیم کر کے دیا جاتا ہے۔

انتظامی سہولت کے پیشِ نظر صرف 30 سے 35 بیلوں کی بکنگ کی جاتی ہے۔ گنجائش مکمل ہونے پر بکنگ کا سلسلہ خودکار طور پر بند ہو جاتا ہے۔

ذوالحجہ کا چاند نظر آنے پر جانوروں کی خریداری ہوتی ہے۔ حصہ داروں کو وہی نمبر الاٹ ہوتا ہے جو بکنگ کے وقت انہیں دیا گیا تھا۔

تمام بیلوں کو گلشن آباد سوسائٹی میں "پنج تن پاک فلٹر پلانٹ" پر رکھا جاتا ہے اور وہیں سنتِ ابراہیمی کی ادائیگی کی جاتی ہے۔

بیل پہنچنے پر واٹس ایپ کے ذریعے مطلع کیا جاتا ہے تاکہ حصہ دار اپنا جانور دیکھ سکیں۔ یاد رہے کہ جانوروں کے نمبر تبدیل نہیں کیے جا سکتے۔

قصاب، منڈی کے اخراجات، ٹرانسپورٹیشن اور قربان گاہ کے تمام انتظامی اخراجات کو ملا کر فی حصہ قیمت کا شفاف حساب کیا جاتا ہے۔

عید کے پہلے دن پروفیسر مفتی عبدالمنان صاحب اجتماعی دعا کرواتے ہیں، جس کے بعد ذبح اور گوشت کی تیاری کا باقاعدہ آغاز ہوتا ہے۔

ہماری کوشش ہوتی ہے کہ عید کے پہلے دن مغرب تک تمام حصوں کی تیاری مکمل کر کے گوشت حصہ داروں کے حوالے کر دیا جائے۔